Presidenti i Ukrainës, Volodymyr Zelensky, u është drejtuar sot studentëve në të gjithë Mbretërinë e Bashkuar, në një transmetim të drejtpërdrejtë në disa universitete. Zelensky u tha atyre se tani janë 107 ditë që nga fillimi i luftës.
Veprimtaria është organizuar nga Unioni i Studentëve të Ukrainës dhe universitetet që marrin pjesë përfshijnë Birmingham, Kembrixh, Coventry, Glasgow, LSE, Manchester, Oxford, UCL dhe City, Universiteti i Londrës.
"107 ditë jemi testuar për mbijetesë", është shprehur presidenti ukrainas. "Kjo luftë është e dukshme dhe monstruoze," thotë ai, duke shtuar se rusët "flasin për qëllime paqësore, por... ata po vrasin fëmijë dhe gra."
Zelensky tha se situata është një "tragjedi e vërtetë" dhe se autoritetet në Ukrainë po propozojnë zhvendosjen e disa universiteteve në godina të tjera studentore ekzistuese në territoret që nuk janë të pushtuara nga trupat ruse.
"Misioni [rus] është të fshijë historinë tonë, shtetin tonë, identitetin tonë dhe të mohojë ekzistencën tonë. Dhe si i tillë t'i tregojë botës se ne kurrë nuk kemi ekzistuar se ne jemi një popull i krijuar artificialisht si një shumëllojshmëri bimësh ose kafshët."