“Gruaja e ulur pranë dritares” (Marie – Therese) një pikturë e Pablo Picasso u shit të enjten në 14 maj për 103.4 milionë dollar në ankandin e Christie në Nju Jork, raportojnë mediat ndërkombëtare.
Piktura e realizuar në vitin 1932 u shit pas 19 minutash me një cmim prej 90 milionë dollar që rritet deri në 103.4 milionë duke iu shtuar taksat, sipas zyrtarëve të ankandit.
Christie-s kishte vlerësuar se piktura mund të shitej deri në 55 milionë dollar, por sic u pa, arriti në dyfishin e cmimit të supozuar.
Shitja, sipas mediave ndërkombëtare tregon vitalitetin e tregut të artit pavarësisht së situatës së pandemisë, por edhe për statusin special të Pikasos që ka lindur në 1881 dhe vdiq në 1973.
Gjatë ankandit të djeshëm u shitën vepra në një vlerë të përgjithshme 481 milionë dollarë, “një sinjal për rikthimin në normalitet dhe një mesazh që ky lloj tregu është rikthyer në rrugën e duhur” tha Bonnie Brennan, president i dhomës së ankandeve Christie.
Piktura i dedikohet të dashurës dhe muzës së Pikasos, Marie – Therese Walter dhe për herë të parë u shit në London tetë vite me parë në një vlerë prej 44.8 milionë dollar, më pak se gjysma e cmimit që u shit ditën e djeshme.
Kjo është hera e parë në dy vite që një pikturë thyen cmimin e shitjes mbi 100 milionë dollar. E fundit ka qenë piktura e Monet që arriti në 110.7 milionë usd në ankandin e Sotheby në Nju Jork.