Tetë shtetas shqiptarë janë arrestuar në Firence, pas një operacioni të policisë italiane mëngjesin e sotëm.
Të tetë të arrestuarit, së bashku me dy të tjerë të arrestuar më parë, akuzohen për shfrytëzim prostitucioni të femrave shqiptare në rrugët e firences.
Por sipas policisë italiane, kapoja i rrjetit, një 36-vjeçar, e kontrollonte prostitucionin nga burgu në Shqipëri i dënuar për tentativë vrasje.
Nga hetimet rezultoi se 10 personat e arrstuar në Itali i merrnin urdhrat me telefon nga burgu. Ata përdornin kodin “Miku” kur komunikonin me klientët për t’i siguruar atyre prostitutat. Operacioni është finalizuar këtë të enjte dhe nën mbrojtjen e policisë italiane janë marrë 15 vajza shqiptare të cilat shfrytëzoheshin nga bashkëkombasit e tyre.