Fronti anti-opozitar që shkarkoi Saimir Tahirin

Publikuar tek Analiza & Komente
Diel, 12 Mars 2017 21:38

Nga Enton Abilekaj

U duk si lajm i mire largimi i Saimir Tahirit. Si një mundësi për të filluar dialogun më opozitën duke dhënë diçka nga e tëra. Kështu u pa nga optimistët, si një ndërhyrhe ndërkombëtare për ta hapur Ministrinë e Brendshme si pistë për dialogun që mund t’i jepte fund rrugës së opozitës drejt bojkotit të zgjedhjeve. Mes qeverisë teknike dhe injorimit total, vënia e Ministrisë së zgjedhjeve në funksion të dialogut do të ishte një hap i madh.

Largimi i Tahirit, megjithëse i kamufluar me 3 ministra të tjerë, do të ishte një flijim i domosdoshëm përpara se të niste beteja elektorale. Të dielën në orën 17.00 Edi Rama e shuajti këtë shpresë, i ktheu shqiptarët me këmbë në tokë, u tha se asgjë nuk ka ndryshuar, se konflikti do vazhdojë, se Saimir Tahiri nuk u hoq në funksion të kompromisit dhe se bojkoti i opozitës nuk e shqetëson.

Këtu nuk bëri asnjë gabim, ai nuk kërkoi simpatinë e shqiptarëve, por qetësinë e militantëve. U kumtoi atyre se nuk do të dorëzohet përballë atyre që ata i shohin si armiq dhe se ndryshimet janë thjesht organizative. Argumenti ishte i pagjetur, i tradhëtuar nga 4 ministra të tjerë, që megjithëse janë koordinatorë si 4 kolegët fatkeqë, nuk u shkarkuan nga kryeministri. Por nëse ia arriti të vërë në gjumë militantët, ua prishi gjumin më keq shqiptarëve. Duke mos përmendur interesin publik, por interesin e partisë për ndryshimet në qeveri, duke dhënë mesazhin se nuk është dështimi apo skandalet që i heq ministrat, nuk është nevoja për dialog me opozitën, por thjesht nevoja e partisë.

Por duke mos qenë as ky argument i besueshëm, e vërteta është akoma më e hidhur. Që nga fillimi i protestës së opozitës, Edi Rama nuk mendoi asnjë çast të ulej me Lulzim Bashën për të gjetur zgjidhje, por të kapte Ilir Metën me frikën se i ikte. Darka e famshme mbi çadër ditën e dytë të protestës, ishte vetëm akti më cinik i ditëve të mbushura me premtime dhe negociata mes dy bashkëkryetarëve të interesave partiake. Rama nga njëra anë gabonte duke e fshehur frikën dhe duke injoruar protestën, gabonte me anti-çadrat që mbolli nëpër Shqipëri si një antimiting burracakësh, sepse çdo ditë e më shumë Basha rikuperonte imazhin e vënë në dyshim në radhët e të vetëve dhe unifikonte partinë e përçarë që pas garës së 2013-ës. Jo vetëm Basha fiton çdo ditë.

Meta po i këput nga zyra frutat që mbillen ne bulevard. Frika e Ramës se qeveria teknike mund të bëhet realitet me ikjen e LSI dhe taktika e tij për të dhënë gjithçka pa asnjë princip në momentin që i duhet, e nxorrën aleatin skeptik në avantazh. Marrëveshja u arrit në favor të Metës. Një betejë që kishte filluar në vitin 2015, kur Rama vendosi ta eleminonte aleatin e majtë në funksion të unifikimit të së majtës dhe marrjes së të gjithë pushtetit për vete. Që atëherë Saimir Tahiri i jepte garancitë që ta linconte dhe më pas ta asimilonte Metën dhe LSI-në, ashtu siç ia kërkoi edhe në verën e 2016, kur i siguroi shefit 71 votat më të cilat iu kundërvu tentativës së Metës për të ikur bashkë me qeverinë.

Beteja kishte krijuar një trekëndësh PS-RILINDJE-LSI, ku Tahiri përfaqësonte PS-në. Ishte në avantazh derisa filloi protesta dhe Rama në vend të dialogut zgjodhi reagimin kundër, në vend të një qeverie si mundësi për pajtim me opozitën, një front antiopozitar. Për këtë i duhej të shtrëngonte fort Ilir Metën dhe të sakrifikonte PS-në.

Tahiri u bë viktimë e një pakti antiopozitar dhe antidialog, që, në vend ta zbusë, do ta thellohjë krizën politike, që në vend të krijojë premisa për zgjedhjet e lira dhe të kthejë opozitën në zgjedhje, do ta bëjë të pakthyeshëm bojkotin. Duhet të ishte lajmi më i mirë, por ishte lajmi më i keq. Ashtu si marrëveshja e Ramës me Metën, që edhe këtë herë nuk pati objekt qeverisjen por PD dhe sigurisht nuk mund të prodhojë rezultat më të mirë për vendin se marrëveshja e 1 prillit 2013.

(Marrë nga syri.net)

Modifikuar më Diel, 12 Mars 2017 21:41

Ora

Barometri i Ditës



Shtypi i Dites

Sondazh

Lista e PD-së, mendoni se është fituese në zgjedhjet e 25 qershorit

Analiza & Komente

PD pa Topallin e Patozin, parti pa këmbë dhe pa mendje të fortë

Një PD pa Topallin dhe Patozin në parlament, është...

Basha nuk njeh Katoliket dhe i flet goja para mendjes

Atehere kur Katoliket e veriut vuanin perndjekjen dhe terrorin komunis...

"Katër sinjale pozitive nga Kosova"

Nga Afrim Krasniqi ...

Na drithërove Arbanë…

Nga Mesila Doda Fotot e tua kalonin parafytyrimin tim dhe çdo...

“Koalicioni PS-PD, si zgjidhje afatgjatë për vendin”

Gazetari dhe analisti Mentor Nazarko, në një shkrim të ...

Ministritë dhe loja me cingla

Nga Dr. Sorina Koti, koordinatore, Partia Demokratike Ministritë...

4 ditët pa gjumë të Armando Dukës dhe mijëra kilometra brenda 2 muajve

Nga Anila Basha Armand Duka u mendua jo shumë gjatë, në...

Nën çadër dhe jashtë saj

Nga Elton Derjaj Në një kohë kur agjenda e vendit &eum...

Na duhen profesionistë zotërinj, jo vetëm nizamë për në front

Nga Shpëtim Nazarko Kisha dhënë diku një intervis...

Diana nuk është vetëm

Nga Luljeta Progni ...

Pse talentet e sportit përfundojnë në grevë urie?!

Nga Orest ÇIPA   Papritur, njësoj sikur “shkr...

Dossier

Presidenti i 42-të i SHBA, Bill Clinton mbush sot 70 vjeç

William Jefferson Clinton ose siç njihet ndryshe Bill Clinton &...

Hasan Prishtinën nuk e vrau Ibrahim Çelo

Nga Arben LLALLA Po mbushen 83 vite nga 13 gushti i vitit 1933, ku n&...

Parku i Lurës: Shpresa ka formën e fidanit të pishës

500 fidanë iu shtuan parkut që e ka humbur lavdinë e di...

Lazarati e gjen të vështirë jetën pa drogën

Fatjona Mejdini - BIRN Rreth dy vite pasi policia zbarkoi në fsh...

Gratë nga Kosova në krye të kampeve të ISIS-it (Foto)

Kosova ka qenë një nga vendet më proamerikane të E...

Kontaktet Tona

Address: Bulevardi Dëshmorët e Kombit

Tel: + 355 69 92 22201

Mob 2: +355 69 92 22202

Email: This email address is being protected from spambots. You need JavaScript enabled to view it.

Website: http://www.newsbomb.al