Kaosi në Parlament, Basha: Ky është ankthi që detyron Edi Ramën t’i shmanget debatit

Publikuar tek: politike, më 16:31 12-10-2017 Kaosi në Parlament, Basha: Ky është ankthi që detyron Edi Ramën t’i shmanget debatit

Kreu i Partisë Demokratike, Lulzim Basha ka fajësuar qeverinë për shkaktimin e kaosit në Parlament, me dënimin e deputetit demokrat Flamur Noka dhe shkeljen e rregullores, sipas tij me qëllim shmangien e debatit.

Basha tha se Gramoz Ruçi po shkel rregulloren e parlamentit me urdhër të Edi Ramës sepse ka frikë të përballet me të vërtetën; lidhjen e tij me krimin dhe bandat.

“Shkelja e rregullores është kthyere në normë nga Gramoz Ruçi me urdhër të Edi Ramës, shkelja bëhet me qellimin e shmangies së debatit për krimin dhe bandat dhe lidhjen e tij me krimin.

Ne do bëjmë gjithçka për t’i thënë shqiptarëve të vërtetën, shumë prej tyre e dinë, vendi është në këtë pikë, ne qeverisemi nga bandat që sollën Edi Ramën në pushtet. Nuk ka dëshmi më të qartë se kjo, nuk ka asnjë arsye për të shkelur rregulloren veç ankthit të Edi Ramës për t’u përballur me të vërtetën, ne do luftojmë dhe do i rikthejmë parlamentin qytetarëve”, u shpreh Basha.

Më shumë në këtë kategori: « Flamur Noka “ngujohet” në parlament, Gramoz Ruçi hedh poshtë kërkesën e opozitës dhe mbyll punimet
Rama: Opozita ka ngritur çadrën, ka vënë të njëjtën pllakë gramafoni »
Article Logic
Execution time: 0.023221015930176
array(1) { ["section"]=> string(88) "kaosi-ne-parlament-basha-ky-eshte-ankthi-qe-detyron-edi-ramen-t-i-shmanget-debatit-95650" }