Sot është ditëlindja e parë pa shkrimtarin e madh shqiptar, Ismail Kadare. Kolosi i letërsisë shqiptare, Ismail Kadare u nda nga jeta në moshën 88-vjeçare pas një arresti kardiak më 1 korrik të 2024.
Gjeniu i letërsisë u lind më 28 janar të vitit 1936 në Gjirokastër. Ai ishte një nga përsonalitetet më të rëndësishme të identitetit tonë kombëtar, figura më përfaqësuese e integritetit tonë europian.
Në karrierën e tij letrare prej më shumë se gjysmë shekulli, Kadare shkroi dhjetëra libra, koleksione poemash dhe tregime të shkurtra.
Si shkrimtar u shqua kryesisht për prozë, por kontributi i tij u shtri edhe në dramaturgji, poezi dhe përkthime.
Nisi të shkruajë kur ishte ende i ri, fillimisht poezi, me të cilat u bë i njohur, e më pas edhe prozë, duke u bërë prozatori kryesor shqiptar. Veprat e tij janë përkthyer në rreth 50 gjuhë të ndryshme, duke qenë kështu përfaqësues kryesor i letërsisë shqipe nëpër botë.
Në vitin 1996, Kadare u bë anëtar i përhershëm i Akademisë së Shkencave Morale dhe Politike në Francë.
Përgjatë jetës së tij ai u vlerësua dhe nderua me dhjetëra çmime ndërkombëtare, mes të cilëve Çmimin “Man Booker International” më 2005, çmimin “Princ i Asturias” për Artet më 2009 dhe Çmimin “Jeruzalem” më 2015. Viteve të fundit, ai e ndante kohën e tij mes Francës dhe Shqipërisë.
Sondazh
Lexo gjithashtu
21 Mars, Dita Botërore e Sindromës Down
Ukraina dhe Rusia më afër se kurrë me paqen
Votohet Këshilli Drejtues i RTSH-së!
Shuhet babai i Hashim Thaçit
17 vite nga shpërthimi i Gërdecit
14 Mars 2025
Dita e Verës
PS dhe PD formojnë ekipet për 11 Majin
8 Marsi - Dita Ndërkombëtare e Gruas!
