Presidentja e Kosovës, Vjosa Osmani, u përball ditën e djeshme në Këshillin e Sigurimit të OKB-së me presidentin e Serbisë, Aleksandër Vuçiç. Pa “iu dridhur qerpiku”, Osmani “ia përplasi” në fytyrë Vuçiçit të gjitha krimet e luftës në Kosovë, dhunën, përdhunimet seksuale, për të cilat deri më sot askush nuk është dënuar.
Gjithashtu, gjatë fjalës së saj presidentja Osmani i kërkoi Vuçiçit që t’i kërkojë falje të mbijetuarave të dhunës seksuale, ku pranë saj kishte 4 prej tyre.
Përveç fjalimit të saj i cili bëri krenarë dhe tërhoqi vëmendjen e të gjithë shqiptarëve, një tjetër detaj i mbajtur nga Osmani është komentuar.
Bëhet fjalë për një karficë që e kishte vendosur në xhaketën e saj që kishte veshur gjatë mbledhjes së Këshillit të Sigurimit. Në pamje të parë duket një karficë normale, mirëpo ajo karficë ka një histori më të veçantë dhe të thellë që ka të bëjë me krimet e luftës në Kosovë. Karfica është një nga shumë karfica të cilat janë zbukuruar dhe qëndisur nga të mbijetuarat e dhunës seksuale gjatë luftës në Kosovë.
Të njëjtën karficë kishin vendosur edhe 4 gratë të cilat shoqëronin presidenten Osmani. Ato ishin Fahrije Hoti, Vasfije Krasniqi, Elhame Muqolli dhe Shyhrete Tahiri, të gjitha viktima të dhunës gjatë kohës së luftës në Kosovë.
Sondazh
Lexo gjithashtu
