Euro rimbëkëmbet, fillon rritjen përballë lekut

Publikuar tek: ekonomi, më 18:09 13-09-2017 Euro rimbëkëmbet, fillon rritjen përballë lekut

Euro ka arritur në tregun vendas nivelin më të lartë të këmbimit që nga muaji maj, duke u këmbyer me 133.58 lekë sipas kursit zyrtar të Bankës së Shqipërisë.

Euro u zhvlerësua ndjeshëm përkundrejt lekut gjatë fushatës zgjedhore, ku nivelin më të ulët (kur u këmbye poshtë 132 lekëve) e shënoi më 27 qershor. Ekspertët e argumentuan rënien e valutës me shpenzimet e fushatës, të cilat si rrallë ndonjëherë nuk u kryen në monedhën vendase.

Euro vijoj e dobët gjatë gjithë sezonit veror, ndikuar edhe prej efekteve sezonale, si fluksi i turistëve dhe kthimi për pushime i emigrantëve.

Me përfundimin e këtyre efekteve, por edhe nën ndikimin e tregjeve ndërkombëtare, ku euro po këmbehet në nivele të larta, monedha e përbashkët po fillon të forcohet edhe në tregun vendas, megjithëse pa kapur nivelin e një viti më pare, shkruan Monitor.

Në të njëjtën datë një vit më parë, ndonëse kishte nisur zhvlerësimi i monedhës së përbashkët në vend, euro këmbehej me 137.45 lekë, rreth 3.8 lekë më shumë.

Më shumë në këtë kategori: « Kursi i këmbimit: Rritet euro
»
Article Logic
Execution time: 0.041395902633667
array(1) { ["section"]=> string(52) "euro-rimbekembet-fillon-rritjen-perballe-lekut-92244" }