Byroja e Kuvendit i jep dënimin, Noka: Duhej të përjashtohej kryeministri, po fliste si rrugaç

Publikuar tek: politike, më 17:10 12-10-2017 Byroja e Kuvendit i jep dënimin, Noka: Duhej të përjashtohej kryeministri, po fliste si rrugaç

Ka përfunduar mbledhja e Byrosë së Kuvendit ku është marrë vendimi për përjashtimin me 10 ditë nga Parlamenti të deputetit demokrat Flamur Noka. Vendimi është marë me 5 vota pro dhe 3 vota kundër.

Në përfundim të mbledhjes Noka ka thënë se e ka quajtur rrugaç kryeministrin Edi Rama pasi po përdorte zhargon rrugësh. Sipas Nokës është kryeministri ai që duhet të përjashtojet.

“Vendimi i Byrojsë nuk e di cili ishte, di se cili ishte turpi i këtij Parlamenti sot. T’i ndërpritet fjala një deputet. Unë kërkova fjalën për procedurë asgjë më shumë. E vetmja gjë që bëra është që insistova, pse? Sepse dëgjova një kryeministër që fliste në sallë me një fjalor rrugaçëror.

Në vend që të përjashtohet kryeministri që flet me zhargon rruge, përjashtohet deputeti që kërkon fjalën. Unë nuk e di ku e patë ju fyerjet, sepse unë fjalën rrugaç ia drejtova atij që flet me zhargon rruge. Nëse mendoni se ka të drejtë ai për fjalët që i dëgjuat dhe shumë që nuk i dëgjuat...

Ai është përsëritës në vulgaritetin në parlament, e ka ves të vjetër”, u shpreh Noka.

Article Logic
Execution time: 0.0025670528411865
array(1) { ["section"]=> string(97) "byroja-e-kuvendit-i-jep-denimin-noka-duhej-te-perjashtohej-kryeministri-po-fliste-si-rrugac-95671" }