Pas 4 raundesh votimi, Kisha Katolike zgjodhi Papën e saj të ri: Robert Francis Prevost, i cili mori emrin Leoni XIV. Ky moment historik shënon për herë të parë zgjedhjen e një amerikani në krye të Selisë së Shenjtë .
Por kush është Papa Leoni XIV (Robert Francis Prevost), Papa i 267-të i Kishës Katolike dhe i pari nga Amerika e Veriut.
Robert Francis Prevost lindi më 14 shtator 1955 në Çikago, SHBA, nga një baba me origjinë franceze-kanadeze dhe një nënë me rrënjë spanjolle. Ai studioi matematikë në Universitetin Villanova dhe më pas teologji në Catholic Theological Union në Çikago. Në vitin 1977, u bashkua me Urdhrin e Shën Augustinit dhe u shugurua prift në vitin 1982 .
Në vitin 1985, Prevost filloi misionin e tij në Peru, ku shërbeu si kancelar i prelaturës së Chulucanas dhe më pas si drejtues i seminarit augustinian në Trujillo për një dekadë. Për kontributin e tij, ai mori shtetësinë peruane në vitin 2015 .
Nga viti 2001 deri në 2013, Prevost shërbeu si prior i përgjithshëm i Urdhrit të Shën Augustinit. Në vitin 2014, u emërua administrator apostolik i dioqezës së Chiclayo në Peru dhe më pas u bë ipeshkëv i saj në vitin 2015. Në vitin 2023, Papa Françesku e emëroi si prefekt të Dikasterit për Ipeshkvijtë dhe president të Komisionit Papnor për Amerikën Latine .
Dhe sot, këtë 8 maj, pas vdekjes së Papës Françesku më 21 prill 2025, konklava e 133 kardinalëve zgjodhi Prevost si Papë në ditën e dytë të votimit. Ai mori emrin Leoni XIV, duke u bërë Papa i 267-të i Kishës Katolike dhe i pari nga Amerika e Veriut.
Sondazh
Lexo gjithashtu
