Një pulëbardhë u kap drejtpërdrejt në kamera në të gjithë botën duke vjellë në çatinë e Kapelës Sistine, pikërisht kur tymi i bardhë sinjalizonte zgjedhjen e Papës së ri, Robert Francis Prevost, i cili u ngjit në fronin papnor si Leo XIV.
Pulëbardha ishte bërë e famshme në ditët e mëparshme, që nga fillimi i Konklavës, sepse kishte zgjedhur për fole pjesën e çatisë pranë oxhakut të Kapelës Sistine. Transmetimi i pamjeve ka lënë shumë njerëz të habitur, dhe disa madje e kanë interpretuar atë si një shenjë të fatkeqësisë. Por pse ndodhi?
Në fakt, në çatinë e Kapelës Sistine nuk ndodhet vetëm një pulëbardhë deti, por një nënë me të voglin e saj që ka zgjedhur pikërisht këtë vend për t'u kujdesur për të porsalindurin e saj, duke tërhequr sytë e të gjithë botës.
Il gabbiano che vomita il topo poco prima della fumata bianca è ingiocabile pic.twitter.com/sAlWFJyTQP
— Il Grande Flagello (@grande_flagello) May 8, 2025
Pulëbardha është shumë inteligjente, oportuniste dhe tepër fleksible, dhe ushqehet me gjithçka që qyteti mund të ofrojë: mbeturina, ushqim të lënë pa kujdes nga turistët, madje edhe pëllumba dhe minj.
Edhe momenti kur ajo duket sikur vjellë diçka, në fakt është një brejtës që pulëbardha e mban në sqepin e vetë dhe sapo arrin në çatinë ku ndodhej i vogli i saj, e lëshon atë.
Në fakt, pasi çelin vezët e tyre, pulëbardhat shkojnë për gjueti për të ushqyer zogjtë e vegjël që mbeten në fole. Pasi kthehen fitimtarë, ata e ripërtypin prenë, në mënyrë që të vegjlit të mund ta asimilojnë më mirë ushqimin e tretur pjesërisht nga prindi.
Ajo që u vu re në çatinë e Kapelës Sistine në kohën e tymit të bardhë nuk është, pra, një ogur, por kujdesi prindëror i një pulëbardhe ndaj të voglit të saj.
Sondazh
Lexo gjithashtu
