Forcat Ajrore të Ukrainës “humbën kontaktin” me një avion luftarak F-16 gjatë një misioni për të zmbrapsur një sulm ajror rus gjatë natës, pas një situate emergjente në bord.
Sipas autoriteteve ushtarake, piloti devijoi avionin drejt një zone të pabanuar për të shmangur dëme civile. Ai u gjet nga një ekip kërkim-shpëtimi.
Sipas mediave vendase, piloti kishte rrëzuar tre objekte ajrore ruse dhe ishte duke sulmuar një të katërt me një armë automatike të avionit. Kontakti me avionin u humb rreth orës 03:30 të mëngjesit.
Ukraina mori avionët e parë luftarakë F-16 të gjeneratës së katërt nga Shtetet e Bashkuara nga Holanda dhe Danimarkës gjatë vitit 2024. Ata janë vendosur në shërbim për të kundërshtuar sulmet me raketa dhe dronë në të gjithë territorin ukrainas.
Ky incident shënon një tjetër humbje për Forcat Ajrore Ukrainase, pas rrëzimit të një F-16 në gusht 2024, ku piloti humbi jetën, dhe një tjetër rasti tragjik në prill të këtij viti, kur një pilot u vra gjatë një misioni luftarak.
Sondazh
Lexo gjithashtu
