Presidenti i Shteteve të Bashkuara të Amerikës, Donald Trump, është shprehur se ekziston një mundësi që ai të udhëtojë drejt Turqisë për të marrë pjesë në bisedime të mundshme mes presidentit të Ukrainës, Volodymyr Zelensky, dhe presidentit të Rusisë, Vladimir Putin.
Ndërkohë, Zelensky e ka cilësuar deklaratën e Trumpit si një hap drejt një zgjidhjeje paqësore. Ai bëri thirrje për një armëpushim gjithëpërfshirës dhe shprehu gatishmëri për të zhvilluar negociata ballë për ballë me Putinin në Stamboll, bashkëbisedime që do të mbahen ditën e nesërme.
Gjithashtu, Putini është ai që ka caktuar kohën dhe vendin për zhvillimin e bisedimeve, por ende nuk është konfirmuar nëse ai do të marrë pjesë personalisht në takim.
Në një deklaratë të bërë nga Kremlini të hënën, nuk u dhanë detaje lidhur me pjesëmarrjen e Putinit, ndërsa një zëdhënës vazhdoi të refuzojë thirrjet e Kievit dhe aleatëve perëndimorë për një armëpushim 30-ditor.
Zelensky, nga ana e tij, iu përgjigj propozimit të Putinit, duke shprehur që të paraqitet në bisedime dhe të angazhohet për dialog të drejtpërdrejtë, në përpjekje për t'i dhënë fund konfliktit 3-vjeçar.
Sondazh
Lexo gjithashtu
