India dhe Pakistani kanë kryer sulme të reja ajrore gjatë natës, duke përdorur dronë dhe raketa të lëshuara nga avionë luftarakë, në një përshkallëzim të ri dhe domethënës të konfliktit midis dy fuqive bërthamore.
Të dyja palët akuzuan njëra-tjetrën se kanë ndërmarrë veprimin e parë, duke pretenduar se kishin vepruar në shenjë hakmarrjeje. Ushtritë e tyre përkatëse nuk dhanë detaje nëse avionët kanë shkelur hapësirën ajrore të vendit fqinj, por konfirmuan përdorimin e tyre gjatë sulmeve.
Gjatë një konference për shtyp të sot në mëngjes, zyrtarët pakistanezë deklaruan se India kishte lëshuar raketa mbi tre baza ajrore brenda, por shumica u kapën dhe se "sulme hakmarrëse" ndaj Indisë ishin duke u zhvilluar. Ushtria pakistaneze tha se përdori raketa Fateh me rreze të mesme veprimi për të synuar një strukturë indiane të magazinimit të raketave dhe baza ajrore në Pathankot dhe Udhampur.
Disa orë më vonë, India akuzoi Pakistanin për sulme ndaj “qendrës mjekësore dhe ambienteve të shkollës në bazat ajrore të Srinagarit, Awantiporës dhe Udhampurit”, duke përdorur UCAV, dronë, armë me rreze të gjatë veprimi, municione dhe avionë luftarakë për të synuar zonat civile dhe infrastrukturat ushtarake.”
Sondazh
Lexo gjithashtu
