Kina dhe Shtetet e Bashkuara të Amerikës kanë deklaruar se kanë arritur përparim në bisedimet tregtare midis dy vendeve, të cilat u mbajtën në Zvicër.
Sekretari i Thesarit të SHBA-së, Scott Bessent, e përshkroi diskutimin si "produktive dhe konstruktive", ndërsa zëvendëskryeministri i Kinës, He Lifeng, e quajti dialogun "të thellë" dhe "të sinqertë".
Shtëpia e Bardhë e cilësoi këtë si një "marrëveshje tregtare", por nuk dha detaje të tjera rreth përmbajtjes së saj.
Bisedimet e zhvilluara në dyer të mbyllura gjatë fundjavës, përbënin takimin e parë që pas vendosjes së tarifave të larta nga Presidenti i SHBA-së, Donald Trump, ndaj Kinës në janar.
Kjo është hera e parë që dy palët takohen ballë për ballë, pas aplikimit të një tarife 145% për importet kineze, ndërsa Kina kundërpërgjigjet me një tarifë 125% për disa produkte amerikane.
Këto tarifa të larta shkaktuan trazira të madhe në tregjet financiare dhe rrisnin frikën për një recesion global.
Ndërkohë, aksionet në Kinën kontinentale dhe Hong Kong janë rritur këtë mëngjes. Indeksi i Përbërë i Shangait është rritur me rreth 0.4%, ndërsa Hang Seng është rritur me pothuajse 0.7%.
Sondazh
Lexo gjithashtu
