Mesha zyrtare e inaugurimit të Papa Leo XIV për të shënuar emërimin e tij do të zhvillohet të dielën, më 18 maj në Sheshin e Shën Pjetrit, raportoi Reuters të premten , duke cituar një deklaratë nga Vatikani.
Sipas Reuters, Papa i ri do të mbajë gjithashtu audiencën e tij të parë të përgjithshme më 21 maj.
Papa Leo XIV festoi Meshën e tij të parë si papë në Kapelën Sistine të Vatikanit më 9 maj, një ditë pasi u bë Papa i parë nga Shtetet e Bashkuara në historinë e Kishës Katolike.
Leo, ish- Kardinali Robert Francis Prevost , lindi në Çikago dhe ka shtetësi të dyfishtë peruano-amerikane, pasi kaloi pjesën më të madhe të karrierës së tij duke punuar atje. Ai ndoqi Universitetin Villanova, Unionin Teologjik Katolik në Çikago dhe Kolegjin Papnor të Shën Thoma Akuinit në Romë.
Ai ishte prefekt i Dikasterit për Ipeshkvijtë dhe president i Komisionit Papnor për Amerikën Latine. Ai u emërua kardinal më pak se dy vjet më parë.
I zgjedhur nga 133 kardinalë gjatë një konklavi dy-ditor për të zgjedhur pasardhësin e Papa Françeskut të ndjerë, zgjedhja e kardinalit erdhi si një surprizë për ekspertët papnorë dhe spektatorët, të cilët nuk prisnin që një amerikan të fitonte. Ai zgjodhi emrin Leo XIV dhe përshëndeti një turmë të zhurmshme në Vatikan më 8 maj.
Sondazh
Lexo gjithashtu
