Zëvëndëspresidenti i Shteteve të Bashkuara të Amerikës, JD Vance është shprehur se Amerika nuk do të ndërhyjë në përplasjen ushtarake mes Pakistanit dhe Indisë.
Gjatë një interviste për Fox Neës, u shpreh se përplasja e dy fuqive bërthamore “nuk është puna jonë”. Ndër të tjera ai tha se do t’i kërkojnë palëve të ulin tensionet, por nuk mund të detyronin asnjë prej shteteve të “ulte armët”.
“Ajo që mund të bëjmë është të përpiqemi t’i inkurajojmë këta njerëz që të ulin pak tensionin, por nuk do të përfshihemi në një luftë që në thelb nuk është puna jonë dhe nuk ka të bëjë fare me aftësinë e Amerikës për ta kontrolluar atë”, tha Vance gjatë intervistës.
“Shpresa dhe pritja jonë është që kjo të mos shndërrohet në një luftë më të gjerë rajonale ose, Zoti na ruajt, në një konflikt bërthamor”, tha Vance. “Tani për tani, nuk mendojmë se kjo do të ndodhë.”
Vance theksoi se SHBA-të vazhdojnë të marrin një rol të zvogëluar në ndërmjetësimin e konflikteve jashtë vendit, sekretari i shtetit Marco Rubio foli me udhëheqësit e të dy vendeve dhe bëri thirrje për një "ulje të menjëhershme të përshkallëzimit" të luftimeve.
Vance, i cili ka luajtur një rol të rëndësishëm në politikën e jashtme në administratën e re Trump, udhëtoi për në Indi muajin e kaluar , ku tha se India mund të hakmerrej kundër “terroristëve” në Pakistan, por tha se SHBA-të nuk donin që kjo të shndërrohej në një konflikt më të gjerë rajonal.
Sondazh
Lexo gjithashtu
