Kardinali Robert Prevost u zgjodh këtë të enjtë si udhëheqësi i ri i Kishës Katolike, duke marrë emrin Leo XIV dhe duke u bërë papa i parë amerikan.
Urime për zgjedhjen e tij kanë ardhur nga liderët e mbarë botës, të cilët kanë mirëpritur zgjedhjen e tij në krye të Vatikanit.
PRESIDENTI I SHBA, DONALD TRUMP
Trump ishte ndër të parët që reagoi duke shprehur emocionet e tij, duke thënë se është nder i madh për ta, që Robert Francis Prevost është i pari amerikan që zgjidhet Papë.
“Urime kardinalit Robert Francis Prevost, i cili sapo u emërua Papë. Është një nder i madh të kuptosh se ai është Papa i parë amerikan. Çfarë emocioni, dhe çfarë nderi i madh për vendin tonë. Mezi pres të takoj Papa Leon XIV. Do të jetë një moment shumë domethënës!”, shkruan Trump në Truth Social.
KRYEMINISTRI BRITANI, KEIR STRAMER
"Zgjedhja e Papa Leo XIV është një moment shumë i thellë gëzimi për katolikët në Mbretërinë e Bashkuar dhe në nivel global, dhe fillon një kapitull të ri për udhëheqjen e Kishës dhe në botë. Papa Leo është Papa i parë amerikan. Ky është një moment i rëndësishëm. Siç tregoi papati i Papa Françeskut, Selia e Shenjtë ka një rol të veçantë për të luajtur në bashkimin e njerëzve dhe kombeve për të adresuar çështjet kryesore të kohës sonë; veçanërisht mbi ndryshimet klimatike, zbutjen e varfërisë dhe promovimin e paqes dhe drejtësisë në të gjithë botën.", tha Starmer.
KRYEMINISTRJA ITALIANE, GIORGIA MELONI
“Italianët do t’ju shohin si një udhërrëfyes dhe pikë referimi, duke njohur te Papa dhe Kisha atë autoritet shpirtëror dhe moral që rrjedh nga mesazhi i saj i pashtershëm i dashurisë, bamirësisë dhe shpresës, që rrjedh nga Fjala e Zotit”, tha ajo në një letër drejtuar Papës.
KRYEMINISTRI GREK, KYRIAKOS MITSOTAKIS
"Urime Papa Leo XIV. Udhëheqja juaj vjen në një kohë kur bota përballet me sfida të thella, por edhe me mundësi të mëdha për unitet, dhembshuri dhe dialog midis popujve dhe besimeve."
PRESIDENTI RUS, VLADIMIR PUTIN
"Ju lutem pranoni urimet e mia të përzemërta për zgjedhjen tuaj si Papë. Jam i bindur se dialogu dhe bashkëpunimi konstruktiv i vendosur midis Rusisë dhe Vatikanit do të vazhdojë të zhvillohet mbi bazën e vlerave të krishtera që na bashkojnë.
PRESIDENTI FRANCEZ, EMMANUEL MACRON
"Një moment historik për Kishën Katolike dhe miliona besimtarë të saj. Papa Leo XIV, të gjithë katolikëve në Francë dhe në mbarë botën, i dërgoj një mesazh vëllazëror.
"Më 8 maj, ky papë i ri sjelltë paqe dhe shpresë."
PRESIDENTI BRAZILIT, LUIZ INACIO LULA DA SILVA
"Shpresoj që ai të vazhdojë trashëgiminë e Papa Françeskut, virtytet kryesore të të cilit ishin kërkimi i pandërprerë për paqe dhe drejtësi sociale, mbrojtja e mjedisit, dialogu me të gjithë popujt dhe të gjitha fetë, si dhe respekti për diversitetin e qenieve njerëzore. Nuk kemi nevojë për luftëra, urrejtje dhe intolerancë. Na duhet më shumë solidaritet dhe më shumë humanizëm. Na duhet dashuri për të afërmin tonë, e cila është baza e mësimeve të Krishtit. Papa Leo XIV na bekoftë dhe na frymëzoftë në përpjekjen tonë të vazhdueshme për të ndërtuar një botë më të mirë dhe më të drejtë."
FRIEDRICH MERZ, KANCELARI GJERMAN
"Ju përgëzoj ngrohtësisht për zgjedhjen tuaj si kreu i Kishës Katolike. Përmes detyrës suaj, ju ofroni shpresë dhe udhëzime për miliona besimtarë në mbarë botën në këto kohë sfidash të mëdha. Për shumë njerëz, ju jeni një far drejtësie dhe pajtimi. Në Gjermani, njerëzit e shohin papnikun tuaj me besim dhe pritje pozitive.
"Ju uroj shumë forcë, shëndet të mirë dhe bekimin e Zotit për detyrat që keni përpara."
KRYEMINISTRI I SPANJOLLIT PEDRO SANCHEZ
"Urime gjithë Kishës Katolike për zgjedhjen e Papës së ri Leo XIV si @Pontifex_en. Papniteti i tij le të kontribuojë në forcimin e dialogut dhe mbrojtjen e të drejtave të njeriut në një botë që ka nevojë për shpresë dhe unitet."
Sondazh
Lexo gjithashtu
