Ndërsa ka nisur seanca e tretë e votimit pasi tymi i dytë i zi mbërriti në orën 11:51 të paradites, shumë njerëz në mbarë botën janë shprehur kureshtarë se si krijohet tymi i bardhë dhe tymi i zi nga oxhaku.
Gjatë konklavit për zgjedhjen e Papës, Vatikani përdor një mënyrë simbolike për të njoftuar botën: tym që del nga oxhaku i Kapelës Sistine. Mbi 12 mijë besimtarë qëndruan me shikimin lart duke parë nga oxhaku paraditen e sotme, ndërsa pritet të shtohen më shumë.
Nëse tymi është i zi, kjo do të thotë se nuk është zgjedhur ende papë. Nëse tymi është i bardhë, një papë i ri është zgjedhur dhe ka pranuar detyrën.
Pas çdo raundi votimi, fletët digjen në një sobë speciale. Së bashku me përbërës kimikë të kontrolluar, prodhohet tymi me ngjyrën përkatëse.
Për tym të bardhë përdoren substanca si klorat kaliumi dhe laktoza, ndërsa për të ziun – perklorat dhe squfur.
Sapo një kandidat merr dy të tretat e votave dhe pranon, publiku informohet përmes tymit të bardhë, e më pas me fjalët “Habemus Papam!” nga ballkoni i Shën Pjetrit.
Sondazh
Lexo gjithashtu
