Brad Arnold, këngëtari i njohur i grupit amerikan “3 Doors Doën”, ka ndarë një lajm tronditës me fansat e tij.
46-vjeçari ka zbuluar se është diagnostikuar me kancer në veshka në fazën e katërt. Përmes një videoje të publikuar në rrjetet sociale, Arnoldi tregoi se megjithëse diagnoza është serioze, ai mbetet i vendosur ta përballojë me besim dhe forcë.
“Kjo do të jetë një betejë, kështu na mbetet vetëm të lutemi. Faleminderit shumë të gjithëve, jeni fansat më të mirë. Ju dua!”, - u shpreh ai.
Në mbishkrim, Arnold theksoi se kënga e grupit të tij, “It’s Not My Time”, e publikuar në vitin 2008, ka marrë një kuptim të veçantë për të dhe është shndërruar në një himn personal në këtë periudhë të vështirë të jetës së tij.
“It’s Not My Time”, një këngë që flet për forcën, shpresën dhe besimin për të luftuar përballë çdo pengese, duket se tani rezonon më shumë se kurrë me vetë jetën e artistit.
Thank you for all the memories so far. Now, I believe “ITS NOT MY TIME” is really my song. This’ll be a battle so we need our prayers warriors! Thank y’all for being the best fans in the world. We love y’all!
— 3 Doors Down (@3doorsdown) May 7, 2025
Brad pic.twitter.com/ZZiC25w55O
Grupi “3 Doors Doën” u formua në vitin 1996 dhe u bë i njohur në vitin 2000 me albumin debutues “The Better Life”, i cili përfshinte hitin ndërkombëtar “Kryptonite”. Në vitin 2017, grupi performoi në ceremoninë e inaugurimit të Donald Trump si President i SHBA-ve.
Sondazh
Lexo gjithashtu
