Ish-ambasadorja amerikane në Ukrainë, Bridget Brink, ka zbuluar arsyet që qëndrojnë pas dorëheqjes së saj, duke deklaruar se nuk ishte dakord me mënyrën se si presidenti i Shteteve të Bashkuara të Amerikës, Donald Trump trajtoi luftën në Ukrainë.
Në një artikull të botuar sot nga Detroit Free Press, Brink, e cila shërbeu si ambasadore në Kiev nga maji 2022 deri në largimin e saj muajin e kaluar, theksoi shqetësimin e saj të thellë për politikën e administratës Trump ndaj luftës së vazhdueshme me Rusinë.
“Fatkeqësisht, politika që nga fillimi i administratës Trump ka qenë të ushtrojë presion mbi viktimën, Ukrainën, në vend të agresorit, Rusisë. Si e tillë, nuk mund ta zbatoja më me mirëbesim politikën e administratës dhe ndjeva se ishte detyra ime të jepja dorëheqjen
Nuk mund të rri duarkryq ndërsa një vend pushtohet, një demokraci bombardohet dhe fëmijë vriten pa u ndëshkuar.
Unë besoj se e vetmja mënyrë për të siguruar interesat e SHBA-së është të mbrojmë demokracitë dhe të kundërshtojmë autokratët. Paqja me çdo çmim nuk është aspak paqe është paqësim”, tha ajo.
Sondazh
Lexo gjithashtu
