Një person humbi jetën dhe tetë të tjerë u plagosën dje si pasojë e sulmeve ajrore izraelite në qytetin jugor të Libanit, Nabatieh, njoftoi Qendra e Operacioneve të Emergjencave të Shëndetit Publik pranë Ministrisë së Shëndetësisë.
Sipas Agjencisë Kombëtare të Lajmeve (NNA), një atmosferë tensioni dhe pasigurie mbizotëroi mes banorëve të qytetit Nabatieh dhe zonave përreth, pasi sulmet kishin në shënjestër malësitë dhe pyjet midis fshatit Kfar Tebnit, Nabatieh të Epërm dhe qytetit Kfar Remen.
Ekipet e Mbrojtjes Civile ndërhynë për të shuar zjarret që shpërthyen në pyjet e zonës Ali al-Taher si pasojë e bombardimeve. Përpjekjet e tyre u vështirësuan nga terreni i thyer dhe pranisë së objekteve të dyshimta, që dyshohet të jenë mbetje nga bombardimet.
Ushtria izraelite konfirmoi sulmet në një deklaratë zyrtare, duke thënë se kishte shënjestruar një vendndodhje infrastrukturore ushtarake në zonën e Beaufort Ridge në Libanin jugor, e përdorur sipas saj nga Hezbollahu për “menaxhimin e forcave të zjarrit dhe të mbrojtjes”. Gjithashtu, ushtra tha se vendi u shkatërrua plotësisht, përfshirë edhe armët dhe strukturat e tuneleve.
Ndërkohë, gjatë një vizite në libanez Nawaf Salam në Baalbek në Libanin lindor ditën e djeshme, ai inspektoi masat ushtarake dhe të sigurisë për sigurimin e kufirit, parandalimin e kontrabandës dhe mbrojtjen e zonës.
Sipas NNA-së, Salam theksoi se Libani nuk ka kursyer asnjë përpjekje politike apo diplomatike për të arritur tërheqjen e Izraelit nga jugu i vendit.
"Qëndrimi im nuk ka ndryshuar; shkeljet izraelite të rezolutës 1701 të OKB-së duhet të ndalen sa më shpejt të jetë e mundur. Qeveria nuk ka kursyer asnjë përpjekje politike apo diplomatike për të përshpejtuar tërheqjen izraelite nga të gjitha territoret libaneze dhe për të ndaluar të gjitha veprimet agresive në Liban", tha ai.
Edhe pse një marrëveshje armëpushimi midis Hezbollahut dhe Izraelit është në fuqi që nga 27 nëntori 2024, ushtria izraelite ka vijuar herë pas here me sulme ajrore në Libanin jugor, duke përmendur nevojën për t’u kundërvënë kërcënimeve të vazhdueshme nga Hezbollahu.
Sondazh
Lexo gjithashtu
