“Djalli fshihet në detaje”

Publikuar tek Analiza & Komente
Tuesday, 13 December 2016 16:45

*Nga AFRIM KRASNIQI

 “Djalli fshihet në detajet” është një thënie gjermane që lidhet me bisedimet e fshehta politike. E njëjta shprehje vlen edhe në kontekstin shqiptar, - në detaje ligjore që hartohen e miratohen në funksion të emrave të përveshëm. Ja p.sh, ligji i dekriminalizimit. Nenet penalizuese lidhen vetëm me individët që janë dënuar në SHBA, BE, Kanada dhe Australi. E njëjta klauzolë vlen edhe për dëbimet në rast të akuzave të rënda. Përcaktimi “BE” dhe tri vende të tjera lë jashtë fushës së veprimit të ligjit disa vende evropiane, përfshirë vendet fqinje. Konkretisht, në ligj janë përjashtuar rastet e kriminalizimit që vijnë nga vende jo anëtare të BE, si Zvicra, Norvegjia, Islanda, vende kandidate për në BE si Turqia e Maqedonia, apo vende të tjera me lidhje intensive me Shqipërinë jashtë BE-së, siç janë edhe Kosova, Mali i Zi, Bosnja, Serbia, Moldavia, Ukraina, Rusia, etj. Natyrisht jashtë listës janë pjesë tjetër prej më shumë se 140 shtetesh në kontinentet e tjera. Por, përfshirja e Australisë së largët dhe lënia jashtë referimit ligjor të Zvicrës, Norvegjisë apo vendeve fqinje, vështirë të besohet se është zgjedhje e rastësishme. Dosja më e njohur kriminale në politikë lidhet pikërisht me Zvicrën dhe i përket vitit 1997. Bazuar në këtë ligj individi që është objekt i kësaj dosjeje nuk është objekt i ligjit dhe lehtësisht mund të fitojë në praktikat ligjore të ankimimit. Edhe dy raste të tjera të bujshme të prokurorisë, kanë të bëjnë me akte në shtete të papërfshira në objektin e ligjit të dekriminalizimit, - ndaj edhe nuk është çudi që verifikimi rezultoi jo problematik për personat.

A kemi të bëjnë me gabim teknik, me taktikë politike, me kompromis apo me praktikat e njohura: ligje për të huajt që nuk gjejnë zbatim në Shqipëri”? Ekzistojnë raste të tjera flagrante të lidhjes së individëve vendimmarrës me krimin, për të cilat askush nuk flet, sepse ka një rregull të pashkruar: objekt janë vetëm individët që përmenden në konferencat e shtypit të partive! Ata që nuk përmenden aty, ose që janë në shërbim e marrëdhënie besimi me dy palët politike, ata automatikisht fitojnë amnisti politik, nuk përmenden, nuk citohen, nuk hetohen dhe nuk shqetësohen nga fushata e dekriminalizimit. Raste të tilla gjenden të paktën në listat parlamentare të pesë qarqeve, por për shkak se ata “kanë raporte të mira personale” me të gjitha palët politike, askush nuk i përmend dhe nuk i shqetëson.

Një vit pas miratimit të ligjit të dekriminalizimit bilanci është zhgënjyes: asnjë zyrtar i lartë politik nuk është ndëshkuar prej tij. Edhe ata që bënë ndonjë hap pas, duke dhënë dorëheqje nga politika qendrore ose nga postet ekzekutive në disa rrethe, vijojnë të gëzojnë postet dhe imunitetin partiak në zonat ku veprojnë, - pra kanë bërë një hap paralel, nga zyrat tek partia, kur në fakt, pushteti në parti, në rastin shqiptar, është më i madh dhe më ndikues sesa pushteti jashtë partisë! Asnjë parti nuk ka penalizuar ende me rregullat e tyre etike asnjë individ të saj që ka rezultuar i përfshirë në rastet e kriminalizimit, - komisionet e etikës brenda partive janë formale, nuk mblidhen, nuk flasin, nuk veprojnë dhe de facto ekzistojnë vetëm për imazh, kryesisht për të huajt, BE dhe SHBA.

Së fundi, zgjedhjet po vijnë dhe KQZ do të duhet brenda 20-30 ditësh të regjistrojë dhe verifikojë rreth 6-7 mijë kandidatë, - një funksion që ai nuk mund ta përmbushë për shkak të kohës, kapaciteteve teknike, burimeve njerëzore dhe për më tepër, saktësisë së informacionit që kërkohet. Deri atëherë kanë mbetur vetëm 6 muaj dhe asnjë palë politike nuk flet dhe nuk ofron një zgjidhje ligjore dhe administrative për të minimizuar ndikimet e botës së krimit në politikë dhe për të mundësuar sadopak transparencë e standarde më të larta zgjedhore brenda partive. Me siguri, 24 orë pas zgjedhjeve, kur rezultatet të jenë në ekranet e TV, atëherë do të nisin konferencat e shtypit dhe reagimet për ndikimet e botës së krimit në zgjedhje dhe devijimin e sovranitetit qytetar! Sepse palët, me ligj, e kanë lënë litarin jashtë, - në mënyrë që në çdo kohë litari të përdoret për nevoja të ditës!

Instituti i Studimeve Politike, në kuadër të transparencës së vendimmarrjes politike, është duke punuar ngushtë me partnerë perëndimorë për të monitoruar të gjithë praktikat e zbatimit të ligjit të dekriminalizimit dhe problematikat që lidhen me të, si dhe për të rekomanduar rrugëzgjidhje optimale rast pas rasti. Çështja është se vendimi final nuk i përket ISP, as partnerëve perëndimorë, as medias, as OJF-ve, as rrjeteve sociale në internet, por politikës vendimmarrëse, dhe aktualisht, komisionit dypartiak parlamentar, i cili ka edhe dy muaj kohë të bëjë ndryshimet e duhura ligjore. Nuk bëri asgjë për një vit, 60 ditët e mbetura janë shpresë-pakta se do ketë ndryshime. Sepse në politikën shqiptare, gjërat konsensuale edhe në detaje, janë më të forta dhe të paprekshme sesa gjithçka tjetër, përfshirë Kushtetuta, parimet e demokracisë dhe aspiratat qytetare.

afrim.png

Ora

Barometri i Ditës



Shtypi i Dites

Sondazh

"Lista e zezë" e Edi Ramës me emrat e zyrtarëve, a duhej publikuar

Analiza & Komente

Bilanci i Shqipërisë në Trieste; Një editorial dhe dy shuplaka

Nga Klodian  Tomorri Një pjesë e madhe e shqiptarë...

Sa pak vlen jeta…

Nga Ilir Hoxholli ...

Akademiku: Waterlo-ja elektorale e opozitës dhe fitoret e Pirros!

E gjithë media dhe opinioni publik konstatoi humbjen e thellë...

Vetëvrasje për dashurinë apo urrejtjen?

Nga Manjola Arizaj Zeka Vetëvrasje për dashurinë apo u...

Flet akademiku: Marrëdhëniet e mia me z. Lulzim Basha, shpresa dhe zhgënjime

Pse flas ? U bënë disa javë dhe muaj që d&eum...

"Shën" i përkohshëm konflikti dhe tutor elektoral

Nga Aleksandër Çipa Presidenti i ri i vendit, i cili ende...

Artan Fuga: Pluralizmi politik ëndërr e parealizuar

*Nga Artan Fuga Aktualisht në prag të kësaj dite zgjed...

Lorenc Vangjeli: Trump, Berisha dhe një vjedhës me udhëheqës

 *Nga Lorenc Vangjeli Tre foto burrash me burra kanë &ldquo...

Artan Fuga: Deputetlliku nuk është profesion

Profesori i njohur Artan Fuga nëpërmjet një statusi n&e...

'PD pa Topallin e Patozin, parti pa këmbë dhe pa mendje të fortë'

Nga Arben Vata Një PD pa Topallin dhe Patozin në parlament...

Basha nuk njeh Katoliket dhe i flet goja para mendjes

Atehere kur Katoliket e veriut vuanin perndjekjen dhe terrorin komunis...

"Katër sinjale pozitive nga Kosova"

Nga Afrim Krasniqi ...

Dossier

Çfarë do të ndodhë në minutat dhe orët pasi SHBA të sulmojë Korenë e Veriut

Koreja e Veriut lëshoi një tjetër raketë balistike...

MASAKRA E QAFË GJASHTËS: VRASJA DHE PENGMARRJA E EFEKTIVËVE TE POLICISË 20 VJET MË PARË

Mëngjesi i 4 marsit i vitit 1997 e gjeti qytetin e Vlorës pa...

Dritëro Agolli përmes fakteve!...

Nga Gjergj Marku: -Që nga dëshira e tij e parë pë...

Historia e diasporës shqiptare

Emigrimi ka qenë historikisht pjesë e zhvillimit njerëz...

Presidenti i 42-të i SHBA, Bill Clinton mbush sot 70 vjeç

William Jefferson Clinton ose siç njihet ndryshe Bill Clinton &...

Hasan Prishtinën nuk e vrau Ibrahim Çelo

Nga Arben LLALLA Po mbushen 83 vite nga 13 gushti i vitit 1933, ku n&...

Parku i Lurës: Shpresa ka formën e fidanit të pishës

500 fidanë iu shtuan parkut që e ka humbur lavdinë e di...

Lazarati e gjen të vështirë jetën pa drogën

Fatjona Mejdini - BIRN Rreth dy vite pasi policia zbarkoi në fsh...

Kontaktet Tona

Address: Bulevardi Dëshmorët e Kombit

Tel: + 355 69 92 22201

Mob 2: +355 69 92 22202

Email: This email address is being protected from spambots. You need JavaScript enabled to view it.

Website: http://www.newsbomb.al